يا مصر يا نيل وساقية
يا مادنة عظيمة عالية
وروحي واقفة صاحية
مليانـة حب أو حنـان
………………………….
قلبي يا طير مزهر
فايض حنان وأخضر
لازم نقوم ونحضر
طابور جيشنا المصان
………………………….
وانت يا جندي قدري
والله نفدت صبري
جهَّز فطورنا بدري
قبل ما يفوت الأوان
………………………….
يا مينا خلِّي عنك
الخير د كلّه منك
تخدمني والذوق د فنَّك
ونبينا وصَّانا زمان
………………………….
الله أكبر شعارنا
ومفيش جبان تبعنا
هنصوم ونرفع علمنا
و قلوبنا مزروعة حنان
………………………….
إلحقنا يا صول أمين
الخونة عاملين كمين
وهجموا علي الصايمين
غدروا ..في.. ساعة… أدان
………………………….
اضرب يا عبد الحميد
تمام يا فندم أخوك حديد
خلصنا عليهم يا قائد سعيد
إرهابي فاجر وطبعوا جبان
………………………….
يللي بتقتل ف البشر
رافع شعار الظلم انتشر
البنا حلال والهدم د شر
ويوم الحساب ف مذلَّة مهان
………………………….
الأصل فيها هو عمار
وطن بيعلي وموتور دوَّار
وجنود للفوضى واقفة جدار
إفهم كلامي خليك إنسان
………………………….
الشرع حرَّم سفك الدم
وقتل البشر د غدر وهم
وجيش بلادنا أغلى أهم
يحفظ حدودنا من إنس أو جان
………………………….
افهم يا همّ كبير
اقرأ ف التفسير
للشافعي وبن كثير
تدبَّر وفكَّر خليك فهمان
………………………….
يا جندي يا شجاع
ولا يوم فرط وباع
عامل للغدر صداع
و يفدينا بهمة أو تفان
………………………….
ولادنا عزمهم شديد
يفوت ف قلب الحديد
نضالهم د شيء فريد
بيركَّع إرهاب جبان
………………………….
يا بلادنا يا أحلى سفينة
وفاردة درعاتها لينا
وجيشنا واقف حامينا
وتاج علي راسنا مُصان
………………………….
يا مصر يا أمني وحصني
من قطنك فصلت كفني
وها فخر وقول دي أمي
مصر أسطورة زمان
………………………….
يا رب وانت حبيبنا
إملي بالخير قلوبنا
وزيَّن بالتقوى توبنا
واحفظ وطنا المصان
مصر العروبة ف أمان
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب