الصفر .. بقلم أسامة بهجت

ياصفر مالك مصاحبنى
ملازمنى ليه زى خيالى
ياصفر وانت مغلبنى
ماتسيبنى يا اخينا فى حالى
ياصفر كان مالك بيه
فى يابنى حاجه عليه
دوختنى واحترت معاك
خلتنى فى الفصل وليه
كثرت فى عتابى ولومى
هافرتكك قدام منى
واعمل عليك حفلة تكريم
واعزم حبايبى وخلانى اصلك ياصفر معايا كريم
ماسبتنيش يوم وحدانى
رد الصفر
صحيح يابنى انا لاكنت صاحبك ولا يوم كنت نسيبك
وانت اللى حالف لاتسيبنى وانا نفس اسيبك
ويوم ما أشوفك بتذاكر
ومش مقصر فى علومك
تلقانى راحل ومسافر
ومش هاقلقك تانى ف نومك
واحب اقولك اخر كلمه
ذاكر دروسك بلحكمه
تنجح وتنول أماليها