أبريل 14, 2024

جريدة الحياة نيوز

رئيس مجلس الادارة : نسرين رمزي

“كأنك دنيا” للشاعرة عبير علام

كأنك دنيا
و كأني فيكي مخلوق
بعكر صفوك
و تملي سيجار محروق
رماده سحابه ف ضلك
يغمي عيونك ما يدلك
على بكره اللي اودامك
على فكره تسبق احلامك
على صوره ف خيالك
كان فيها الحب
بيملا الكون
***
كأنك حبه وجودي
و تتباهي بصدق وعودي
و حبل قيودي
اللي مش بيذل
ولا بيمل من خنقك
حقيقي كنت انا قبلك
ف دنيا ما كان ليها عنوان
لكن شطوطها بر امان
و غرقها نجاة من سهمك المكار
أنا كنت نهار
و طير و غصون
***
كأنك بريئه
و أنا وحدي ماليني الزيف
زرعت فيكي الشوك
و جنيت من عمرك الازهار
بنيت مشواري من تعبك
و هدمت فيكي الف جدار
أنا المجهول و المسؤل
أنا الليل و الاسرار
ليه باين عليكي الخوف
و ملامحك ليه بكايا
و وقت الجد ليه بتخون
***
كأنك نيل
بيسقيني سم شريانه
و بتحمل و بتأمل
و رغم نهاية حتمية
و أفعالك و اقوالك
اذا خطيت اسوارك
تبدل اسمي و ملامحي
كأني من زمن تاني
كأني الجاني
و مداري و مش داري
و جاري البحث فين ما بكون
****
مش كانك شئ اكيد
انتي ماليكي الغرور
لو بمنصب ولا جاه
تعبدي مليون الآه
تكتمي جوايا صوت
و أنا فيكي مش بموت
ولا منك بنكسر
ولا ليا ف السكوت
مش مناضل ولا فاضل
ولا عافية عند المقدرة
لكن يقين وقت الظنون
***
لمى جناحك عن صباحي
و افتحي ليا الطريق
حلمي هو سلاحي
و ف وحدتي صديق
لمي دموعك عن جفوني
و اللي باقي من هزمتي
ما تعمليش حبيبتي
و ضحكتي تبان عليكي
مش دايما انتي
ف ما تغرنيش بجمالك
و داعيني أرحل في سكون