يوليو 12, 2024

جريدة الحياة نيوز

رئيس مجلس الادارة : نسرين رمزي

“البنات المصرية” أمل مهدي

كتير من البنات المصرية
أحلامها بسيطة وساعات أقل من العادية 
ميهمهاش غير الحب 
لو هاتعيش في أوضة مفهاش غير كنبه وطبلية 
المهم ابتسامته الرقيقة والود والحنية
وبعد أيام من الجواز بتشوف البسمة
فقط في حالة السخرية
والود مش في الأوقات العادية
والحنية بتبان علي ملامحه
لما تكون فيه كلبة معدية
بتلاقي كل شيئ أتغير إلا الكنبه والطبلية
وساعتها بتكون خلفت
ماتقدرش تتخلى عن المسؤليه
ويذيد صبرها
وتحتوي كل الظروف بسعة صدرها
وهو بيزيد عبوس
وأن قال كلمة وكأنه في قاعة طرش بيدي دروس
لا ليه خلق ليها ولا لعياله
قاعد يبص في جيبه بعد الجواز إيه اللي جري له
عشان بنربيه من وهو صغير عايز إيه
وهاتي له و ودي له
والبنت من صغرها أعملي ده وسوي ده
عشان تبقي شاطرة وتليقي له
والولد شاطر لمجرد بس أنه يقعد ساكت
عشان كده كبرت البنت وبقت راجل
وكبر الولد وفضل ولد