يوليو 17, 2024

جريدة الحياة نيوز

رئيس مجلس الادارة : نسرين رمزي

“أمي ونور” بقلم أسماء طلال

أنا كان نفسي تكوني ليا
وأكتبلك مهر يكون عنيا 
ولأني صعيدي ودمي بيغلي فيا
مش عايزك غير لما تكوني حلال ليا
يا بنت الناس ثقي فيا
مش كل الناس بنت أصل ومتربية
إنما أنا ربنا رزقني تكوني ليا
يا صبية يا جدعة إسمعي ليا
أبويا فلاح وفي الأرض مرتاح
وأمي من الفجرية بتدعي تكوني ليا
كل الصخور اتجمعت قدامي عشان تمنعك تكوني سهامي
أنا مآمن بالقدر إنه هيسوقك ليا
ولو هعدي البحر وأقول لكل الدنيا ديا
أنا لقيت نصي التاني وعيني بيه مكتفية
عشنا على قولت قسمة ونصيب
وقلبي كان واقف بين أضلاعي
والبعد علمني الجفا
بس فضلت دعوة أمي الفجرية تطل عليا بهية وتقولي يا محمد إنت نور عنيا ونور هتكون ليا
صدقتي يانور الدعوات صعدت
والقلوب اتلحمت
والنهاردة أنا وأنتي بنحط وردة علي قبر بهية
كانت بتصحى وتنام تدعي ليا.