=========
يعني ايه عشان اعيش
انا في البلد دي
لازم اطاطي وبالفلوس
كله يعدي
يعني ايه يا ناس ابيع
انا في ضميري
واسكت واشوف حقي
يضيع وياخده غيري
يعني ايه لما اعافر واجيبلي
لقمة تسد جوعي
وارضي تنشف من الخضار
وتموت طيوري قدام ربوعي
يعني ايه يهده الحطان
انا فوق دماغي
يمكن عشان مفيش فلوس
ومش عارف الاغي
حد يقولي عملت ايه
يا ناس قولولي
انا كل ذنبي في الدنيا دي
اهلي جبوني
طول عمري عايش في البلد
وكافي شري
ومقضيها عيش وجبنة والبصل
ده زي ضلي
علشان احويش وابني بيت
ويكون ده ضلي
مهو بعد عمر من الشقى ومن المرار
ده اللي فاضلي
وفي ثانيه ضاع كل شي وده
مش بأيدي
حاسس خلاص إني بموت
قطعوا وريدي
طب اروح لمين واقوله غتني
أنا وليدي
الرحمة فين يا رب انت عالم بحالي
الشعر شاب والقلب داب من صغر
سني
البيت وراح وضهري اتكسر وأنا
مين يعني
ليه دايما الهم كده ماسك في ديلي
كل ما اسيبه يجري عليا ويقول يا
طيري
اوعاك تسبني يا صاحبي يوم أنا
مش هسيباك
انا اللي دايما زي ضلك انا حبيبك
اخرتها ايه يا دنيا تاني مخبيالي
خلاص بقينا في الشارع أنا وعيالي
وده كله ليه عشان بعيش وما طلبت
حاجه منها غير بس عيش
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب