معركة الوعي السياسي… بقلم سلوى عبد الرازق

ماذا بعد نهاية أزمة المباني والمصالحات…

الأيام هتثبت إن الكشاف اللي على غفلة دا المقصود بي الوحوش الكبيرة… اللي كنتوا بتقولوا عليهم واكلين البلد والبلد دي مش بتاعتنا والكلام دا…

هتكتشفوا إن شخطة الريس والعين الحمرا مش ليا وليك ولا للغلبان …  أصل متقنعنيش إن في حد غلبان وطالع عينه … _ هيقدر يبني كشك سجاير حتى …  اللفة دي كلها علشان تجيب الرؤوس الكبيرة … 

وتعرفهم إن أراضي الدولة خط احمر ولها صاحب… _ وموظفين الأحياء ورؤسائهم يعرفوا إن زمن الفتة انتهى… _ والمواطن كمان يعرف إن له ضهر ودولة بيتحميه من بطش هؤلاء… _ بيغتنوا ادامكم وانتوا بيتتفرجوا عليهم … _ لا و الله ميرضيش ربنا … _ هتنتهي الأزمة و الدولة هتاخد حقوقها … _ اللي هو حق كل مواطن غلبان عايش يوم بيومه … _ وهو شايف غيره بيستولي على أراضي الدولة … _ الحقوق دي هترجعلك يا مواطن … _ لما تتصرف في خدمات وعلاج وتعليم وفرص عمل … _ وتلاقي دولة محترمة تحترم وتحترم ادميتك وان عايش فيها… كلكم نازلين على الراجل والحكومة سلخ سلخ … ومحدش فكر في أهم حاجة… _ هو في حد هيبقى عاوز يقلب الدنيا على نفسه كدا و يبوظ كل شغله..؟؟؟ _ محدش فكر إن راجل المخابرات اللي عارفها شبر شبر … _ وبيلفها بالطيارة وبالميكروباص وعارف الجن مخبي ابنه فين … _ مش هيدرس قرار زي دا من غير ما يكون عارف نتيجته هتكون إية ..!!! _ ثورة يناير محدش عرف إنها نكسة … _ غير لما اتكشفت كل أوراقهم … _ وإنها وهم زائف ودا بعد سنين منها …!!! _ ومبارك مكنش معاه سبعين مليار و لا حاجة … جماعة الإخوان الارهابية وفض رابعة… _ محدش كان يعرف إنهم جماعة إرهابية ورابعة اعتصام مسلح … _ غير بعد الفض وكشف تآمرهم مع الكيان الصهيوني على مصر ..!!! السيسى وادارته شئون الدولة … _ محدش كان يعرف إنه هينجز كل الإنجازات دي … _ غير لما شوفنا بعنينا بعد ست سنين دولة تانية غير اللي استلمها..!!! القرار دا للحيتان الكبيرة … _ اللي كنت بتقول عليهم واكلين البلد والبلد مش لينا..!!! _ اهو جه اللي بياخد قرارت تحجم من سيطرة هؤلاء على كل شبر فيها … _ بدون وجه حق بالنفوذ و رؤوس الأموال..!!! العيار اللي ميصبش يدوش … _ والعيار دا دوش الحيتان إياهم … _ وهيفكروا مليون مرة قبل ما حد فيهم يضع طوبة على مكان مش بتاعه… _ يفكر إية بقى هو خلاص فكر إنه مش هيعمل كده تاني ..!!! خليكوا فاكرين لما الايام تثبت صحة كلامي والهدف من القرار دا..!!! عاوزكم تراجعوا نفسكم وتشوفوا كل واحد قال إية … وقطع في الراجل والدولة ازاي في جملة او كلمتين على صفحته… #الراجل_اللي_انقذ_حياتنا_مرتين … _ وقت نكسة يناير وكان مدير مخابرات … _ وأدار ما وراء الكواليس وخرج بيها مع مجلس إدارة مصر لبر الأمان … _ والتانية وقت حكم الإخوان … _ لما خيرت قاله هنجبلك مقاتلين من كل مكان… _ وقاله احنا نموت الأول قبل ما تمدوا ايديكم بالسلاح على المصريين … _ جعل مصر الدولة اللي مدوخة وحيرة تلتين الكوكب … _ وبتحارب في كل الاتجاهات و اتفرض عليها أصعب المواقف و الأزمات… _ ورغم كدا واقفها على رجليها وبتحميك… ياريت تفكر وتخلي نظرتك للأمور شاملة🖓…!!!!! _ عاوزها دولة ولا حاجة تانية …؟؟؟ _ عاوز فساد ولا عاوز شرف ونزاهة وأمانة…؟؟؟ _ عاوز واحد يبيعلك الوهم … _ ولا واحد يجبيلك من الاخر ويديك علاج صح… _ عاوز واحد يشتغل باصص تحت رجله ويخلص ويسلمك الدولة زي ما هي… _ ولا واحد يعملك دولة بجد مفهاش غلطة _ لانها ببساطة وبوضوح “”معندناش حاجة نص نص””… _ يا ابيض يا اسود ما فيش رماضي ولا غيره … مصر دي عاملة زي الأب اللي عنده ولادين … _ ولد رخم وزنان وعاوز كل حاجة في وقت واحد مهما كانت الظروف … _ وولد تاني رغبته في وجود أمان ابوه وتوفير حياة مستقرة … _ ومش محمله اكتر من طاقته مش شوكة في ضهر ابوه … _ العيل التاني دا لما هيكبر هيبقى هو دا المواطن الصالح … _ واللي بيحب ابوه من غير اي مصلحة شخصية … _ وعارف هو عاوز اية وعايش حياته علي قد امكانيته… _ ولا بيسمع لكلام الجيران اللي بيسخنوه… _ ويقولوله بص ابوك خربها ومخليك مش عارف تعيش … _ والولد الرخم هيعتمد على ابوه في حياته … _ وبعده هيعمل أي حاجة مهما كانت تجيب فلوس … عزيزي القارء تحاتي لك واعتزر عن الاطالة … ولو الكلام مقتنع بيه اعمل اللي عليك وعرف غيرك …