رحلة

بقلم : أميمه المعداوى
من ديوان : العشق وأكتر

فى نسيم هواك ياريف ،
أقطف ميتين ورده
..وف روح صباك طلتك ،
مستنياك واقفه
..وأشوف جمالك ، ضلتك
والحسن فيك رحله ،
…ماتكفهوش الكتب ،
ولا مليونين صفحه
…وبروحى راح أحنلك ،
ياريفى ولا يكفى…
…فيك الجمال منتهى ،
فيك الأيات نفحه
..تحضن شواشى الدرا
وانا شوقى ليك لهفه
..أسهر وابات أوصفك
موالى فيك رشفه
…عنبر بروح الزهور
ميه وحياة نسمه
..ويحلى فيك السهر
عرس وطبول زفه .