غريب الملامح

بقلم أميمه المعداوى
من ديوان شى غريب

..معرفش ليه صورتك
فى عينى مشوشة
غريب الملامح

..حتى كلامك كان
عجيب ، مر وقديم
بقى كله جارح

. مابقتش عايزه أسمعك
واللا أأقرب تانى منك

.. وتاعبنى وتلومنى كتير،
شكاك فى ظنك

..مغرور بتغلط فيا ليه
واللا كمان دا تنكره !!؟

..شكلك يبان طيب أمير
وتعب لى قلبى محيره

لو خيرونى أحب تانى،
هاانسى فى يوم إنى عرفتك

.. لا ف يوم قابلتك
وأنكرك ولا حتى شفتك

.. تايهه المشاعر مننا
طول الطريق

..صرنا بعاد عن بعضنا
من غير رفيق!!

..لو بس غيرى يعرفوك
ويشوفوا صورتك…

.. ويقربوا منك شويه
ويفهوا..راح ينسوا سيرتك

..والكل هيقولوا سبيه
ولا تزعلى،
وإنسيه وأوعى تكلميه
إتغيرى

غريب الملامح