رباعيات أبوعدنان

بقلم أبوعدنان

كان نفسي أكون فيلسوف

أسرح و أفكر من غير خوف

أتأمل في دنيا

ما فيهاش مكان لعاجز أو مكسوف

يا قلم نفسي تفضل معايا وما تنتهيش

ليك عمر حدايا و بينا ملح و عيش

رد وقال الفناء مكتوب علينا

تقدر إنت على طول تعيش

نفسي أقتل الظلم وأدبحو

وإفك أسر كل مظلوم و إسرحو

وأجري بالشوط

لكل سجن فيه مظاليم وافتحو

نفسي في دنيا عمار

فيها خير وحب وأزهار

مفيش مكان للعند

مفيش مكان للأشرار

ياطير غلبت فيك

نفسي أطير زييك

نفسي أحج مع الطيور لاكن جناحي مكسور

وربنا هوا اللي مصطفيك