يونيو 21, 2024

جريدة الحياة نيوز

رئيس مجلس الادارة : نسرين رمزي

صباح الخير يا أرض بقلم أمل مهدي

صباح الخير يا أرض فيها حاجات كتير مش عجباني 
لكن حضناني لماني 
مليش غيرها مكان تاني 
في عز البرد احس قيمتها 
وفي عز الحر ارش الميه واقعد تحت شجرتها
وفي عز التعب الاقي بردوا حنيتها
بحب ناسها وطيبتها اللي في وقت الشده تحلي لمتها
وفيها ناس باردة بكره تناحتها
وفيها ناس إبليس يغير من خباثتها
وناس تحتار في نوعيتها
وناس لسه عايشة علي فطرتها مخسرتش برائتها
وناس غرقانا في سذاجتها
وناس هتغرقنا بغباوتها
و فيها الروتين معبود قديم مبوظ حلاوتها
وفيها مجرمين عايزين قانون رادع يوقفها ويخرب بيتها
وفيها ناس جدعه بتسند أي غريب من غير مايطلب مساعدتها
وعند الله أجرها عمرها ما أنتظرت من مخلوق أجرتها .