بحر الأحزان

بقلم أبوعدنان

في بحر الأحزان

الكل غرقان

والدموع من غير تمن

لما ياسى عليك الزمن

 

وتلاقي نفسك واحداني

وتضيع كرامة الإنسان

 

لا صاحب ولا حبيب

والحب مع الهم بيدوب

ولو جابو مية طبيب

 

طول ما فيه قلوب زي الحجر

يتقال إزاي عليهم بشر

 

وف لعبه القدر

 

تلاقي اللي باع واللي خان

 

ف بحر الأحزان

 

الضحكه بقت مرة

 

والعيشة صعبة ومرة

 

ماصعبنا على الدنيا ولا مرة

 

ولا طاوعنا الزمان

 

بنلف و نلف

 

والوجع ما بيخف

 

وبتذيد جراحنا

 

علشان سامحنا

 

وكل ذادنا يدوبك شويه حنان

 

سكة طويلة و بعيدة

 

والأحزان هيا هيا عنيدة

 

والظروف مش بنت النهارده ولا وليدة

والغدر من بني الإنسان

 

للصحاب و الحبايب

أنا قلبي من العتاب دايب

 

ف وقت الشدة مش لاقيكو جمبي

 

حتى كلمة حلوة تفرحني

 

والبعد والله مش ذنبي

 

أنا نفسي أخدكو بالأحضان

 

بدور على دموعي ومش لاقيها

 

والناس الطيبة فين آلاقيها

 

ومركب الحب لية يا زمن مخبيها

 

الحب مش شفقة ولا إحسان

 

بندة على كل أصحابي وولاد بلدي

 

بحبكو ولسة باقي على عهدي

 

واقف على شط الأحزان لوحدي

 

وبدور ف الدنيا على مكان

 

ف بحر الأحزان

 

بحلم بليل كلة فرح

 

والأمل يكبر و يطرح

 

ولا أنا بخيالي بسرح

 

ولا نسيت أنا إنسان

 

أقوم واقع وأقوم

 

بعد العمر ده كله لساني صغير

 

ومش قادر اعوم

 

مع إن قلبي بالحب والخير

 

لسة مليان ف بحر الأحزان

الكل غرقان