بيقولو حارس أو بواب
وتبصولي بصة مش هية
طول الوقت ملازم الباب
وبيتمالتو عليا
إللي عطاك و اداك
بكرة مش بعيد يكون ليا
بيخدم باللقمة
كل اللي يملكو ضمير وذمة
زيي وزيك إبن ناس
عايش اليوم بيومو
رزقو وربنا كتبهولو
عندو مشاعر وحساس
بيضحك والدمعة في عنية
حب فوق و حبة تحت
وسط الذحام أنا توهت
وكتر الأسى بكاني
بحلم إني أعيش
معايا أو معييش
وخير ربنا كفاني
ياعالم يا خلق يا هوة
بعنيكو لية بتظلموة
تعرف اية عن أبوة
وعزة نفسو الأبية
ياما ناس كانت قدام
وكلة كان تمام
وغدرت بيهم الأيام
وصبحم مجرد ذكرى منسيه
ها تفرق اية غفير أو بواب
كلنا ها نقف يوم الحساب
ورب الخلايق يجيب الحق ليا
جعان أو شبعان
في الآخر أنا إنسان
وعايز إللي يحن عليا
كلنا ولاد آدم وحوا
شربت من الأحزان لما قلبي ارتوى
وطبع البني ادمين لية بقى الاسية
بيقولو حارس أو بواب
وتبصولي بصة مش هية
طول الوقت ملازم الباب
وبيتمالتو دايما عليا
مش ذنبي إني فقير
لكن قلبي كبير
وبنام ليلي وأنا مرتاح الضمير
وحب الناس أجمل هدية
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب