عجيب

بقلم أبوعدنان

عجيب حال البني أدمين
يبتسم من برة وجوة حزين

يرسم أحلا صوره
والنفوس مهزوزة و مكسورة
ف دنيا غريبه ومسعورة

وبألف و ش.عايشين

تلبس بدلة شيك

وف الكون مفيش زييك

أحلا هيئة وأحلا منظر

وعلى كل الغلابة بتتكبر

ياما كان ف الدنيا
فاكر نفسه أنة اشطر

وتواة الرمل والطين

راجع للدود يمص فيك

والفناء بينادي عليك

أنا أبوك و أخوك
وزمان كنت صاحب ليك

وياترى الدنيا غدرت بمين و لا بمين

لو لابس جلابية

تبص لي بصة مش هية

زمان ما كانش فيه بدل ولا يحزنون

وماتعرف تفرق بين نجار أو عازف قانون

وأطعم كوباية شاي من على الكانون

من أيد الناس الطيبين

عجيب لما نحكم بالمظاهر

ولما نشوف نفسنا في المرايا بنتاخر

وما تفرق عامل بسيط

ولا وزير أو سفير ولافنان

ولا حتى أنهم يقولو شاعر

هايفيد بأية لو ماتت المشاعر

وبيلقنوك لجل ما تنطق الشهادتين

كلمة حلوة تحيي إنسان

تنفعك يوم الحساب و الميزان

إحنا ف دنيا إللي متغطي بيها عريان

ومهما طال بينا الزمن

مصيري ومصيرك الكفن

واضيق من مترين

البكا مش ع إللي راحو

إنما علينا إحنا

أوعى تفكتر أنهم ارتاحو

والحساب ملازمنا

واللي ع الناس بيتكبر

في أسفل سافلين

أنا أبوك و اخوك
وزمان كنت صاحب ليك

وكلنا ياعم بني ادمين

ولا انتو لكلامي مش مصدقين

وف الآخر تقولو هوا لية

على طول بيبكي و حزين