مهما قالو عنك ف الأساطير
ها يفضل قلبك دايما كبير
أم وأخت و حبيبة
لو قريبة أو غريبة
تتحدي المحن
كسرتي الزمن
واللي يعاديكي لابد يدفع التمن
وروحة في الفضا تطير
ف عنيكي الأمان
حب وشوق وحنان
من غيرك إزاي أكون إنسان
وإنتي الفل والياسمين والورد
ونسمات العبير
بنظرة يفرح الكون
طول عمري عاشق مجنون
بحبك ف الصخب و ف السكون
ولو نسيتيني أعيش إزاي
وأنا جناحي مكسور
كدبت و صدقتيني
وف كل الصعاب بتحبيني
اسيت عليكي وبطيب المسك
من شفاكي تراضيني
وف عز وجعي و ألمي
إنتي الوحيدة إللي شايلة همي
وأنا ف حبك معذور
ف كل الحالات في ضهري
أنا قدرك وإنتي قدري
روحي وراحتي وعمري
وف وجهك بشاير الخير
ياما ظلمتك بعنيا
ولما جرحتك ب أديا
تشوفي مني الاسوة
وترضعيني حنية
وأنا إللي طول عمري مغرور
جميلك ف قلبي وراسي
إنتي أهلي وناسي
لولاكي كان من زمان
واللة مات إحساسي
وقلبي قاسي وأشد من الحجر
حبك مش كلمه تتقال
ولا غنوة وموال
حبك عدى الحدود
بالنسبالي يعني الوجود
بيكي وليكي عايش وموجود
ومحسوب من البشر
بإسم كل راجل بتاءسف
حلفت قبل سابق ولسة بحلف
صدقيني المرادي
سحرك و جمالك وطعمك و شهدك
ياحبيتي أنا مش قادر أوصف
سامحيني واقبلي اعتذاري
أو بعد ساعة هانتحر
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب