أنا مش أنا ف دنيا غريبه
لا دول صحابي
ولا هيا دي العيلة و لا هيا دي اللمة
إنتي فينك يا مة
الضحكه غابت
والفرحة ماتت
فين دفءك وحنانك يامة
خديني بين درعاتك
احضنيني وضميني بشدة
لساني صغير
مهما أكبر
لساني طفل بيعند ويزرزر
من غيرك عاجز ومتكسر
ف دنيا كلة بيبص ع المنظر
وإنتي إللي عارفاني
خابزاني و عاجناني
وعارفة حبي وعشقي
ولما تيجي نوبة جناني
وازعق واشخط
وافضل أبكي واعيط
تحضنيني وتبتسمي ف وشي
اقعد مكاني واتحسر
عدت بيا السنين
ودموعي زي ما هيا محبوسة في العين
والناس من حوليا عايشين
وأنا كل يوم بموت اكتر
خايف لا حلمي يموت معايا
والناس تنسا الحكاية
وما يفتكروني إلا وهما بيصلو عليا
صلاة الجنازة
والبكا ع القبر ماعاد لية معنى
وما يرحمني غير إللي خلقني
ودعوتك ياامي
إنتي الوحيدة إللي مصدقاني
قلبي بيتقطع من جوه
حاسة بيا شايفاني و سامعاني
ولما أقول اة ياني
تجري اوام و تسمي
تسلمي يا امي
لولاكي ماجيت ولا عنيا فتحت
ولو الايام بيا اطوحت
تاخديني في حضنك وتضمي
قصدت بابك ما تقفلهوش
من غيرك رضاكي ازاي أعيش
أنا بدونك ماساويش
دايما شايلة همي
بحبك يا امي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب