رباعيات

بقلم أبوعدنان

لومت كتير عليك يا زمن وإنت بريء

العيب فيا أنا معرفتش الطريق

أصغر مني و صلو كتير منهم ضلو

لاكن أنا وحدي إللي غريق

يا ناطق بالكلمة حاسب

لكل حرف راح تتحاسب

يااما تخسر خسارة

يااما تحقق أعلى المكاسب

سنين يامة جرحي بينزف

لفيت على كل الأطبا ما بيخف

ف عز ألمي وشكوتي

صحابي بيغنو و يرقصو ع الدف

يا إللي زرعت السنط ما زرعتش لية غيرو

كان قدامك الفل بريحتو و عبيرو

زعلان ليه يا حلو

إللي زرعتو أدي إنت جنيتو

فينك يا وقت الصفا

نتلم كلنا وندفا

أول ما قعدت ظنت إني عجزت

ضاع الحنان و إختفى