الألم بيعاند
والحزن مووج هادر
تملي بنتواعد
بيصرخ ما نيش قادر
م الوجع و ال اة
البكا والأحزان
ف دنيا مالها أمان
واسوة الزمان
والألم بلغ مداة
صرخه نفس حزينة
توهنا وتاهت ليالينا
تركونا الحبايب وحدينا
نواجه الحياة
نشيل الهم على راسنا
ونسينا أهلنا و ناسنا
ومن كتر المنا و وجعنا
ياناس مات إحساسنا
ونظرة الناس ظالماة
علشان رغيف العيش
الألم والله ما ينتهيش
يا دنيا كفاية ما توعدنيش
وكفياني قولة اة
حزني ف عيوني و بداريها
والفرحة سنين بناديها
والضحكة الحلوة فين الاقيها
والهم إزاي انساة
كل يوم بجري على رزقي
وقطر الحياة ها يدوسني
ونفسي الدنيا تحضني و تبوسني
والقلب يحقق مناة
نفسي أنسا كلمة عوزة
وابطل أشرب جوزة
وابوس إبني بوسة
وادعي من قلبي الألم ما يقرب حداة
شايل من الهموم هموم
وبضحك وسعيد
الرزق يوم بيوم
والأمل في يوم جديد
يارب الضحكه تدوم
على كل شقيان زيي
وكل صاحب قريب ولا بعيد
والألم يفارقني وما اشوف وشو ولا قفاة
نفسي تبصو على حالي
أنا وابني وبناتي الخمسة
والست أم عيالي
رغم الألم راضي بحالي
وبكتب من قلبي طوالي
وحب الناس كل اللي بتمناه
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب