ما تكسفش من فقرك
ولا تشتكي عذرك
لحد من البني ادمين
الجنه مهرك
نصيبك و قدرك
جزاء الصابرين
مهما تمشي وتمشي
أوعى تنام ما تحلمشي
كل حاجه ما بتدومشي
حتى الفقر بيبكي لية سنين
لو وقعت مرة حاول وحاول
ياما القلب م الهموم شايل
والحزن طرح جدايل
الغني زيك ظالم لنفسه ومسكين
ما تكسفش من شكلك ولا رسمك
كفاية طيبه قلبك
اوعى تحكي ف يوم همك
لا تخسر دنيا ودين
شايف الدمعه ف عنيك
وحابسها
لو بصيت شويه حوليك
تلاقي الدنيا تحت رجليك
عروسة بتتذوق ليك
وأنت عريسها
شربة مية ونسمة هوا
ف عز الألم
ربنا جعل الصبر دوا
خليها على الله وربك يعدلها
والفقير الصابر
الحامد الشاكر
يتوزن من الرجال ب مءتين
ما تكسفش من فقرك
ولا تشتكي عذرك
لحد من البني ادمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب