ديسمبر

سحر أبوالعلا

مين قال إن ديسمبر

شهر النهايات

إحنا انتهينا يمكن

من زمان.

من كام ديسمبر

فات.

أو حتي ملحقناش

نستقبل ديسمبر.

كانت بدري أوي

معانا النهايات.

مين قال إن ديسمبر

شهر النهايات.

إحنا بكينا

فى أغسطس

ملحقناش حتي

الخريف

علشان تبان الحقايق

كل شيء كان أصله

زيف .

مين قال إن ديسمبر

شهر النهايات

و إحنا بنستقبل

يناير.

اتعاهدنا منفترقش

وإن فات علينا

مية ديسمبر

زي ما إحنا

منختلفش.

و قبل ما نستني

ديسمبر.. ابتدت الخلافات.

و افترقنا.

و كل واحد لوحده فات.

مين قال إن ديسمبر

شهر النهايات.