وانت بتستقبل يناير….

سحر أبوالعلا

و انت بتستقبل يناير

متخدش ديسمبر وياك

سيب وراك كل اللي سابك

متحملش زيادة معاك

خد بس اللي اختارك

و اتحمل جدك و هزارك

و شاف معاك أسوأ أوقاتك

متخدش معاك اللي باعك

و اللي فى وقت الشدة فاتك

و كان واقف بعيد بيتفرج عليك

و اللي بيفتكرك لمصالحه

و ينساك لو الزمان صالحه

و اللي بيحتاجك يلاقيك

و عمرك ما لقيته لو احتاجته

و ان جه يناير ملقتش حد حواليك

إوعى تتلفت تدور ع اللي فاتك

هتضيع وياه أوقاتك

ابدأ تاني من جديد

أكيد هتلاقي فى طريقك

حد بيدور عليك.