أبريل 14, 2024

جريدة الحياة نيوز

رئيس مجلس الادارة : نسرين رمزي

“هنكتب صح” بقلم محمد حسين سعد

هنتكلم النهاردة عن حاجة بسيطة جدا تمهيدا، وبشوف ناس كتير بتغلط فيها، ومهمة جدا لأي محرر صحفي وكاتب
إنه ميغلطش فيهم وهي الفرق بين التاء المربوطة “ة” والهاء “ه”

لو أنا دلوقتي عاوز أكتب مقال صحفي وفيه كلمات بتعدي عليّا مببقاش عارف أكتب إمتى التاء المربوطة والهاء، إليك طريقة بسيطة جدا:-

هتجيب الكلمة اللي عاوز تعرف هي بتتكتب تاء مربوطة ولا هاء ولتكن مثلا كلمة “طائرة” وكلمة “مياه”
أنا دلوقتي مش عارف هي تاء مربوطة ولا هاء 
ببساطة جدا هتضيف ليها “ياء الملكية” لتصبح طائرتي
وكلمة “مياه” عندما نضيف لها ياء الملكية أصبحت “مياهي” 
إذا نطقتها تاء تكتب “ة” وإذا نطقتها هاء تكتب “ه”

كلمة “مدرسة” نضع لها ياء ملكية تصبح مدرستي إذن تكتب بالتاء المربوطة، كلمة “الفقه” نضع لها ياء ملكية تصبح “فقهي” نطقتها هاء، إذن تكتب بالهاء هكذا باقي الكلمات

ده ببساطة جدا عشان لاقيت ناس كتير بتلغبط بينهم عودوا أعينكم على الصحيح دائما وهتلاقوا الموضوع بسيط
مستني أراءكم وأي سؤال أو مش فاهمين حاجة وتحت أمركم

المرة الجاية هنتكلم عن ألف الوصل وهمزة القطع بطريقة بسيطة خالص، ولو عاوزين كلمات تأكيدا للقاعدة قولوا لي في التعليقات، ولو بتتلغبطوا في حاجة معينة بارضو قولوا ونتكلم عنها المرة القادمة، موفّقين.