عشان خاطرك

أميمه المعداوى

من ديوان/ إنتفاضة شعب

 

..عشان خاطرك

أطوف الدنيا وبلادها

 

..عشان خاطرك

راح اوهب روحى وشبابها

 

..وطول الليل

راح ابنى لك فى قلبى

الجنه ورحابها

 

..وابات الليل

أقول للبدر مايمشى ، ولا

نامشى

 

..وأصحى الصبح

آلاقى الشمس فرحانه

على عشى

 

..ولعيونك

وكحل الرمش فى جفونك

 

..راح اغزلك

فى توب العرس وأصونك

 

.. وأنا وانتى سوا

نسهر على بحر الأمل

نسهر

 

.. وأنا وانتى سوا

نحكى على طعم الحياه

سكر

 

..عشان خاطرك

أخوض البحر واتواجه

بأمواجه

 

..وابنى لك سكن

ع الشط، بحراسه وأبراجه

 

..وافرج كل ناس عصرك

على حسنك على سحرك

 

..وعمرى الجاى

أنا وانتى سوا نعيشه

 

..ونبقى روحين

وزى الطير بيتلحف دفا

ريشه

 

..وأجى

بحبة الحنه أحنيكى

 

..وأقطف

زهره من الجنه واهاديكى

 

..يغار الصبح

من حسنك ومن سحرك

 

..وعمرى يطول

واجهزلك فى يوم عرسك

 

..واشاهد

م الطيور ألوان

 

..واشوف

ع الخد أجمل خال

 

..ونسمه

من الهوا الطيب تداوينا

 

..ورقصة

عصفورين هايمين تهنينا

 

..وكل الصعب

أيوه يهون عشان خاطرك

 

..وأسمى وروحى ليكى

تهون عشان خاطرك

 

عشان خاطرك