بقلم أبوعدنان
كروان بيشدو ب أغانية
حزين والدمعة في عنية
يا دنيا إنتي آسية كدة لية
والظلم ف صورة إنسان
على رصيف الحياة
متبعترة أوراقي
حتى قوله اة
محروم منها يا رفاقي
اية بس اللي جناة
ما املكش غير حبي وأشواقي
وحلم العيش في أمان
كل الأحبة بيلوموة على غرامو
والصحاب وسط الذحمة تاهو
كل الغربا اجتمعو على اعدامو
أكمنة بيبغي الحب وايامو
ولا أكمنة فقير غلبان
أعزف يا كروان وقول لحنك
لو سكت ما حد راح يسامحك
الكلمة الحرة ف دمك و لحمك
وعمرت ما ركعت للطغيان
حب الأوطان غريزة
مش شخابيط ع الحيط
وحجاب و تعويزة
والموت بسبب حبك لوطنك
أرضك وعرضك وولدك
حب الوطن اكبر ميزة
واية يعني الجوع واية يعني الحرمان
كروان بيشدو ب اغانية
حزين والدمعة في عنية
يا دنيا إنتي آسية كدة لية
والظلم ف صورة إنسان
بقلمي أبو عدنان
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب