كان نفسي اسألهم بس ماجوش.
وبارن عليهم ما يردوش
العالم الله بأحوالهم
دا غيابهم ربى فعقلي وحوش.
…
ما يكونش كلامي زعلهم..
طب ليه بزعلهم ما يصارحوش
بس أنا مش متعود منهم
يزعلوا في السر وما يعاتبوش
…
ايه يعني يكون بس جرالهم
يمنعهم حتى ما يتصلوش
دا انا طول اليوم بأقْضِي معاهم
وإن غبت دقيقة ما يستنوش
…
وما حدش عارف سكتهم.
وسألت فبيتهم ولا رجعوش
وأهو عدى اليوم من بعد اليوم
وأنا مستنيهم ولا ظهروش
…
واهي مرت سنة من غير صوتهم
وعنيا من الدمع ما نشفوش
إحساس جوايا ما يتوصَّف
احساس انا عمري ما جربتوش
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب