الطيبين

بقلمى / أميمه المعداوى

من ديوان/ نفس المكان

…أه م الحنان الحلو لما يلفنا،

ويضمنا طول السنين

…جوه البياض اللى نسج ،

غزله على شباك الأنين .

..واللا الادب منهم زهوره

مفتحه للمحتاجين .

..وعيون بريئه بحورها

مليانه رضى ، للمحرومين .

…معجونه روحهم بالحياه ،

ماده لجذور الصالحين .

..ولا يعرفوش الكدب أو حتى

الخباثه ، الشفافين .

..واما نغيب عنهم بيجوا

يسألوا ، دول ودادين .

…شايلين براءة صغرنا ،

تكرم لهم ميت ألف عين .

…الطيبين اللى ارتبطنا بحبهم ،

وشربنا من روحهم حنين .

..ليهم سلام منى أنا ، وكمان

دعايا لربنا،يكرم قلوب الطيبين.