مسكت بإيدي ورقة وقلم
بحاول أكتب كلمة بدون ألم
القلم إرتعش ،مالك ياقلم؟!
هو أنت أول مرة تكتب ألم
كتبت كثير وذهقت هو مافيش عندك غير الألم
بحاول أكون كول
لكن بيغلبني الندم
الندم على أيام فاتت
كنت بأحلم فيها
أكون حاجة كبيرة
مرت عليا السنين
بحاول أمسك فيها
خيط أمل وحنين
عن حلم كان كبير
جوايا أكون أديب
شاعر أو فنان أو حتى مذيع
كنت طموح بعافر في كل مكان
مستني فرصة
من الزمان ودايما شايل جوايا
ورقة وقلم عاوز أملا
الورقة
أمل وحنان أنشره في الكون
لكل إنسان ،كان عنده حلم وسابه ومر الزمان
بقوله أصحى وأشعر وإلحق الأيام
قبل ما تيجي تحضن المكان
تلاقي ورقة فاضية
والقلم إنكسر من زمان
حاول تمسكه وتساعده
يملى الورقة ويسعد نفسه
وتعتذر له وتقوله حقك عليه ياقلم قصرت فيك كثير
وعمر أيدي ماتفرقك وجيبي كمان
نفسي معلقة بيك بشعر معاك
بأمان وحنين
لماضي كان نفسي يبقى حاضر
لو العمر رجع لوضعتك جو روحي وقلبي كمان
أه ياقلم بتفك عني الألم
وبتطيب خاطري قبل ما أنام
دايما حطاك في حضني
وبتمنى العمر يسعفني
وأملا الورق كمان وكمان
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب