حصانة النائب المصري توك توك أفندي

نسرين رمزي

متى يتم رفع الحصانة عن نائب الفساد التوك توك أفندي ؟ 
كل مشكله تترك حتى تستفحل ونقف مكتوفي الإيدي، لقد تضخم الوحش كيف سنحاربه ؟

ابسط رد يقابلك أن الناس بتاكل عيش هنمنعهم أزاي ؟ 
لما هتمنعه الناس هترجع لصنعتها والطالب لمدرسته الحرف والصناعات كلها اتأثرت بدخول التوتوك ..وفى ظل تسرب تعليمي واضح أصبح للطالب هدف اسمى وهو الحصول على 300 ج يومياً فأي تعليم وأي مدرسة هتوفر له ده ؟

لما تمنعو التوك توك الاستروكس وأقراص الهلاوس هتخف لأن مافيش سيلولة مادية لكده
لما تمنعوا التوك توك بلطجة الشارع والزنقة على البشر وخبطهم والجري بدون رادع
هتقل
أمنعوا التوك توك هتقل حالات خطف الشنط والموبيلات من السيدات والشباب فى الشارع
رجعوا الناس تشتغل وتحترم الشارع واللى ماشي فيه
سائق سيارة ييدفع كل مستحقات الدولة يقف في اللجنة يحاسب على أي أخطاء وسيادة النائب توكتوك أفندي يعدي من جنبه بالطفل اللي سايقه ويخرج لسانه للبلد كلها متمتعا بحصانته
تاجر المخدرات وتاجر الآثار والحرامي وكل فاسد بياكل عيش على حساب غيره
سبوهم ياكلوا عيش ليس هو الحل
ولن تتحرك أي أجهزة معنيه إلا بعد وقوع مليون كارثة مشابهة
فى شرع مين إصابة طفلة بمنطقة زين العابدين بالسيدة زينب في حالة حرجة من مركبة بدون هاوية وسائق لا نعرف أي تفاصيل عنه ؟ أين ومتى تجد حقها ؟ كما أخذ هو فوق حقه من أكل العيش
أهذا هو أمن المواطن الذى نتمناه ؟