يقولو حارس أو بواب
تملي واقف ع الباب
وتبص بصة مش هية
وبتتكبر لية عليا
إللي عطاك واداك
مش بعيد بكرة يكون ليا
بيخد بلقمتة
ماعندوش غير ضميرة وذمتة
زيي وزيك إبن ناس
عايش يوم بيوم
ويارب النعمة تدوم
وف اغلب الاوقات بيصوم
ولية نحكم ع الناس بالهدوم
لو كان وزير أو كناس
فرحان والدمعة ف عنية
بيشتكي ربة ويناجية
حبة فوق وحبة تحت
وسط الزحام توهت
وكتر الأسى بكاني
بحلم إني أعيش
معايا أو معاييش
خير ربنا كفاني
بالراحة علية
بيخدم بقلبة وروحة
وياما كترت جروحة
واهي مقضية
تفرق اية غفير أو بواب
كلنا ها نقف يوم الحساب
جعان و لا شبعان
م الهموم ياما شال والأحزان
ف الآخر هوا إنسان
نفسة ف كلمة حلوة
وطيبة قلب ورحمة
هيا دي حياتة
ورزق ربنا كاتبهالو
ولية ف بلدنا الناس
بتتقاس بالمظاهر و الهدمة
أجير عندك راعي ربك فية
ومن حبك وحنانك ادية
وارحمو دموع عنيه
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب