باقول لك ايه
(رسالة نثرية ايقاعية بالمحكية المصرية)
بقلم ..مرقص اقلاديوس
……
بيقول لك
كل واحد عقله عاجبه و دماغه مرياحاه.
و تصدق ٨٠٪ من اللي في راسه غلط يا ولداه.
و اللي يجن إنه مشغول سيادته بتعريف المأساة .
هييييييه ..اييييييه..اسكككككت
….
بيقولوا لك
فيه ناس طبعها المحبة و بيعطوا كتير لناس
ما يستاهلوش
ياخدوا اكتر ما ياخدوا و لما انت تحتاجهم
ما يردوش.
يقولوا لك ربنا اعطاكم لأجل ما تعطونا ،و إنتم
ما بتعترفوش.
هيييييييه…ايييييييه…اسكككككككت.
…..
و أنا باقول لك
حافظ على المحبة بوعى و داوم على العطاء بذكاء،
لأن اليد العالية دوما تسود.
و اعرف إن الشر لو ساد من يوم قابيل ما قتل هابيل، لا كنت إنت و لا أنا موجود.
اطمئن المحبة هتفضل و الخير هيستمر و الفرح جاي…..جاي .
لأن صاحب الملك كله و صاحب الأمر كله
هو كل النور و كل الخير و كل المحبة و كل الفرح و هو مبدع الوجود.
هييييييييييه..اييييييييييييه . انت ساكت ليه اتكككككككككككككككككككلم.
ملاح بحور الحكمة ..مرقص اقلاديوس
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب