كلمنى عن نفسك
عن أفعالك
وبلاش تحكيلنا تاريخ أجدادك
ابن الأصول لا بيلعب
بالبيضه .. والحجر
ولا بيشمت ف صاحب
ولا حتى جار
إبن الأصول راجل جدع
فى كل زنقه تلاقيه
مادد بالمساعدة آيديه
من غير ما تطلب
بيسند باللى يقدر عليه
إبن الأصول لا بالسن
ولا بالفلوس .. والقصور
إبن الأصول له سيره
لا متكبر .. ولا مغرور
متربع ف قلوب الناس
قمر وناس
يسرج طريق الضلمه نور
إبن الأصول
لا يمكن يكون تابع .. ولا أجير
ولا يغتاب ف الضهر
زى اللى قلبه ضرير
إبن الأصول معدنه صافى
وقلبه أبيض زى الحليب
سرك معاه ف بير
ويخاف عليك
أكتر من أى قريب
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب