عادي أما تبعد
مين هيسأل أو هيزعل؟!
طب إيه هيحصل؟!
هل حد فاكرك يا تري؟!
عادي غيابك أو حضورك
لونه باهت..صوته خافت
ما كفايا دوشة وشوشرة
ليه العشم قاتلك أوي
وواخدك بعيد؟!
رايح وجاي عليهم ليه؟
و كأنه بيتك الجديد!
ماتفوق وتصحي
هو إيه اللي جرا؟!
كانوا حبايبك
هو صحيح
كان شكلهم بيقول كده
لكن باعوك
يلا يا لعبة تافهة صغيرة
إوعاك تقع ولا تخيب
وتجيب ورا
لا وجريت بتسأل؟!
وكمان هتعتب؟!
كل كلامك عندهم
ردهم ليه كان سكوت
وميعرفوش إن سكاتهم
كان لقلبك هو علقة موت
خلاص خلصنا بطل نواح
دي قصة عادي مكررة
أنت سراب….أضغاث أوهام
أنت خيال….أو شبه حطام
وعلي أنقاضك
تركب وتعلا كتير أحلام
إلا حلمك . ياغبي
عمره مايكمل إجري إستخبه
ده أنت مضحكة الجميع..
بلا قلة قيمة بقا … وكفايا مسخرة
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب