كتب عمر أحمد
عاوزين يعرفوا مشكلتنا انا وهي كانت ايه
وبيقولولي بعدتوا فجاءة ونهيتوا الحكاية ليه
مايعرفوش ان انا وهي كنا عكس عكاس
وان مكنش يجوز لينا أصلا نبقى مع بعض من الأساس
كان بينا اختلاف السما والأرض
كنت انا دايما في الشرق وكانت هي دايما في الغرب
اتخلقت دمي حامي وحر
و هي يا سبحان الله كان حلم حياتها تكون مع واحد بيتجر
كانت عاوزة تعيش على كيفها..تخرج وتسافر وتهيص
ومحدش عليها غيرها يبقى الريس
كان حلمها تبقى سي السيد في زمانه
طبعا عذرا لسي السيد ولمقامه
ده حتى الراجل كان طول وعرض وهيبة
مش دلوعة و خيبة !
والمفارفة الكبرى ان اللي عاوزة تتنطط و تروح وتيجي وتكون وتكون
بالعافية أصلا بتقوم تغسل شوية صحون
دماغها كان فيها مليون ترباس
لازم تزوم وتعند معاك وخلاص
بس ارجع واقول المشكلة مش منها من الأساس
المشكلة من الناس اللي هي منهم
مهو اما تربي بنتك على أن الراجل هيبة وقيمة
تبقى واحدة رزينة عظيمة عليها العين
انما جنابها عمر ما حد حتى اداها كلاكس
دايما سايبنها تمشي كدة بالعكس
أكبر انانية ممكن تشوفها في الكون
ويارتني عرفت كدة من أول يوم
مكنتش كملت معاها حتى ساعتين
بس شغل السهتنة بقى والتمثيل
وبصراحة البت حبكتها عليا كتير
كنت فاكرها جنة طلعت نار
كنت فاكرها سكينة طلعت دمار
كنت فاكرها حصن منيع لقيتها حصار جوة حصار
كنت فاكرها أحسن من كدة بكتير
بس طلعت حمار
دلوقتي بقى انا أفضل بكتير ماكنت وياها
ذكرياتنا حتى رمتها و سبتها معاها
لا أغاني الفراق بقت بتحيي حنيني
ولاشوقي ليها أصلا بيجيني
ومسيري هلاقي اللي شبهي بتناديني
مسيري هلاقي اللي تغرق جوة نيلي وتدوب جوايا
واحدة كدة أصيلة
أشوف نفسي فيها وكأنها ليا مراية
وهي أكيد برضو هتلاقي مقاسها
واحد كدة أساسه زي أساسها
مهو الطيور على أشكالها تقع
وانا راجل عمري ما احب البقع
عشت دامي حر
وهموت برضو دمي حر مع واحدة تستاهل الدُرر
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب