ونتخانق ونتخاصم
لكني برضه أنا مسامحة
ولو تبعد وهتعاند
هشوفك فين ولك رايحه
بتوه في عينيك وأقعد جنبك
تعدي ساعات فيهم سارحه
بشوف فيهم وجع قلبك
وتأنيبك سهام جارحة
وألاقي كمان شوقك غالب
ونار غيرتك حمم قايده
وبتكابر وبتعاند
عامل فيها الدماغ بارده
وأنا فاهمه وأكيد عارفه
ومش بضغط عشان حاسه
ولا بقدر علي زعلك
ومليون مرة أقول أسفه
يا نور عيني
وحبيب قلبي
ده أنت الدمعه والفرحه
وأنت ثباتي واللهفه
جنوني أنت وبيك عاقله
هقولك إيه
لا هقبل يوم عليك تزعل
ولو تعند ولو تبعد
أنا مقدرش
هشوفك فين وليك رايحه
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب