بقلم أميمة المعداوي
…عيشنا الحياه حبة كلام،
مافهمنا أن الطبطبه لغه
للوئام.
…كان كل حاجه نحبها
من غير ماننطق حرف
واحد تبتدى برمى السلام
…ارواح بتفهم بعضها لما
الأشاره تمس قلبك ، تسرقك،
، ويدق نبضك ، ياسلاام.
…وعيون تغازل بعضها ،
والصوره تبقى ملونه،
ميه وخضره تحبها
ولا فى المنام .
..فى القرب بنشوف الحقايق
كلها ،
فى البعد نلقى نفسنا،
أسرى كلام
…حنيتك مفطومه شوق
مع طلتك،
والطيبه حسيتها ف عنيك
أجمل سلام.
…مشكلتى وياك ابتدت،
من يوم قابلتك، شفتها
حبة كلام.
…الحب اسطورة لقى ،
تربط روحين ،
لكن انت ضيعت الدفا
بحبة كلام.
…ولقيتنى تايهه معاك كده
ف زحمة كلام .
…لوبس لمست رقتك
روحى ،
لكنا عصفورين عاشوا
الغرام، أجمل غرام.
..الحب كان موهوب لنا ،
وانت اللى ضيعته بكلام
..الحب شئ مش مكتسب،
بتحس فى حلاوته العجب .
…تطلع معاه سابع سما ،
تنزل معاه كده لملمه .
..يامحير القلب الجرئ،
يامضيع الحب البرئ،
..كان كل حاجه حلوه
فيك ،
…ضاعت فى لحظه لما
ضاع الصدق بينا،
وانتهى حتى السلام.
..كان ماضى حلو ف
عمرى عشته لحظتين،
..لحظه فى نظره من عنيك،
والتانيه لمسه من ايديك،
…وانت مصر تلومنى
ومعاك اللجام.
ضاع الغرام ، أحلى غرام،
…والمبتدا انت اللى أيوه
بعدتنى بحبة كلام.
More Stories
شيف ليبية نجوي المجبري تتوج بالمركز الأول في مسابقة الصندوق المغلق وتحقق المركز الثاني ضمن منافسات الفريق الليبي
هاني شكري عزيز يراهن على الشراكة المصرية الأوروبية لدعم الاستثمار