..من ديوان شئ غريب
…لو تعود
…لو تفكر يوم وترجع ،،
مش هتلقى العود يضلل
تانى ليك .
…أو هتلقى الشوق يقابلك
بالورود ويقول يامرحب،
حب فيك .
…أوعى تيجى واللا تندم ،
أصل دايما الاعتذار كان
طبع فيك.
…أو بعار الخزى تحكى …!!
شايفه ذلك وانت بتبوس
الأيدين .
…وانت زى الطفل جاى بخوف
وتشكى ، زى عادتك ،جاى
تستجدى عواطفى بدمعتين
…جاى تمثل باحتراف الدور
عليه، وانت عارف انى فاهمه
المكر فيك.
…وان كل الجبن طبعك ،وش
متلون بحقدك ، والحقيقه ان
كده ، كان كله فيك .
…دمعه منى عليك خساره،
الدموع للغالى تنزل، بس لحظه ،
هاابص لك واتشفى فيك .
…فوق بقى م الدور وأصحى،
مش هااسقف،بس هااضحك ،
ان لعبك باامتياز اترد ليك
…أوعى ترجع يوم تلومنى ،
قوم وأقفل جوه نفسك ،
حسره دايمه ملازمه ليك .
…لو تعود
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب