عجيب ياقلبي أمرنا
عجيبه قصة حُبنا
وعجيبه أنا
وازاي بستكفىٰ بيه
وهو ملوش وجود
وعجيب حضورك فـ الغياب
وعجيب القدر اللى رماك فـ طريقي
علشان تكون وحدك من دون الناس حبيبي
وعجيب اختصارِي للجميع فى شخصك
رسمك وصورتك حتى صوتك ويا نبضك
عجيب النبض اللي عايش فيا ومش موجود
وعجيبه القاعده اللي خَلتك أستثناء
وعجيبه الدنيا اللي مجمعتناش
وعجيب ياقلبى من كل القلوب حواليك تميل لغايب
وعجيبه حتىٰ غيرتي عليه
وازاي بغِير باشكل ده
وانا حتىٰ ملمستِش إيديه
وازاي بخاف أنا من نسمه لو لمست عِنيه
وعجيب أنى أحس بحزنك قبل قلبك
وأفرح لفرحك قبل عينك
وعجيبه يا أيامى لسه مستنيه الكلمه منه
شحيح وقاسي ولا أنا اللي بطمع فيه
عجيبه مملكهوش وهو اغلىٰ ما عندي
عجيب أمري فـ حُبه عجيب حتىٰ فـ بُعده
وعجيب استغنائِي عن الجميع وعجيب استكفائِي حتىٰ فـ الغياب
وازاي مكلت كُل ما فيا وأنت اصلاً مش موجود
وعجيب قلبي رغم جرحك لسه حاسس بيك
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب