عظمة الجيش المصري

و لما التتار دخلوا بغداد و حرقوها و قتلوا رجالها و قطعوا رؤوسهم و عملوا بيها تل على مدخل بغداد و بعدها دمشق و خرج الجيش المصرى يوقفهم فى عين جالوت..برضه المصريين ماكانوش يعرفوا مين العدو ده و حجم شراسته.

نفس الشىء فى 1956- 1967-1973 المصريين ماكانوش عارفين إن الجيش بيحارب العالم..أوروبا و أمريكا وإسرائيل ده غير ” بعض” الدول العربية الخائنة.

من 2011 و لحد اللحظة دية برضة الجيش المصرى بيحارب و بيستشهد منه و هو بيعمل نفس الغلطة التاريخية و هى إنه مش محسس الشعب بالخطر الرهيب و بيصد عنه الضربات.. علشان الناس تفضل عايشة حياتها عادى..لحد ما بعض فئات الشعب بقت جالسة على الإنترنت و بتقول ” إتحرك يا جيش ..هات حق الشهداء “!!!!!!!!!!!!! كل ده و الرئيس بيقول لهم و بكل أدب شوفوا البلاد اللى حواليكم ..
إحنا فى أشرس معارك التاريخ على الإطلاق .. و بيحاول يخلى الناس تفهم بالمحسوس حجم الخطر..لكن برضه الجيش غلطان ..كان المفروض يورى الناس حجم الخطر علشان ال 100 مليون ما يناموش الليل .. و يعيشوا فى قلق زيهم زى الجيش و باقى الأجهزة الأمنية..بدل ما يناموا و يرتاحوا و يصحوا يتمطعوا و يقولوا ” الجيش لازم يتحرك “!!!!!!!!!!
وربنا يحمي جيشنا وشرطتنا ويهدي الناس المش فاهمين حقيقة الواقع