محمد الشاعر
وانتي ماشية
حاولي ما تبتسميش
وانتي فصحبة
ما تهزريش
بمحرد ابتسامتك
تتلون ملامحك
و تحلو التقاطيع
واخاف الناس تاخد بالها
و بالزات المقاطيع
خللي الوقار في صمتك
وابتسمي ليا انا
الاحق انا
انا الطفل الرضيع
ورقة الكلام و خفته
خفيها
ما تديش لحد فرصته
اللي كان مستنيها
رقتك ليا
خفي و اتقلي عليا
انا المهتم بكرامتك
انا الحكاية و المواضيع
ايوة خللي عيونك مرقباني
في كل المشاهد شيفاني
بلاش النظرة لحد تاني
هضمن ازاي سلامتك
و انا ردي سريع
و هيبقي فظيع
بلاش عيونك تبقي لغيري
ياللي شغلالي تفكيري
انا و حياة غلوتك
من نظرة منك اضيع
لمسة ايديكي سحر
تهديني لما تطبطب
و تملاني كما البحر
لما الصبر مني يشطب
تخللي الوجع يرووح
وتلملم جرح مفتوح
انا من غير ايديكي
و عنيكي و ابتسامتك
لا استطيع
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب