“خواطري في الشعر” بقلم عادل الفالوجي

—————————–١
أحب حبك حبين
فحب لأنك حبيبتي
وحب لأنك تحبيني
فأنا أحب أني
أحببتك
وأحب أيضا أنك
أحببتيني

——————————٢
ودادي وزادي
لأجل ولادي
القريب منهم
واللي قدر
على بعادي
ماأنا الأصل
وانا للفروع وادي
ودادي وزادي
وحبة فؤادي
لأجل ولادي
ولافي يوم
هانتظر منهم
أكثر من ودادي
دول هما زادي وزوادي

——————————-٣
طعنة غائرة
جاءتني طائرة
مابين النحر والخاصرة
فطاشت بكل آصرة
حب أو لفتة شاعرة
طعنة غادرة
نفذت بين الضلوع سادرة
ولحشايا القلب شاطرة
وي!! من رماها؟
لست أدري مبتغى من نواها
فعند ربي مبتداها ومنتهاها
حسبي ربي فيها وفي سواها
اصفح تكرما والصفح قد علمني إياها
سيد الورى لما أطلق عناها
اذهبوا طلقاء فقد عناها
عن مقدرة وصولة قد أتاها
مستعليا عن كل بغض وغل
فمكارم الأخلاق قد علاها صلى الله عليه ونحن على إثرها وهداها

٤..اسير انا في هواكي
============
أناأسير
أنا أسير هواكي
ولااسير رضاكي
ولا أنا من المولى باترجاكي
يااللي سنين عمرى
مرت
ولانلتْ منكِ نظرة
ولاكان لي حظ في هواكي
لاكنتى يوم لي ولا كنت معاكي
لما كنا بنتلاقى كنتي مشغولة بهواكي
ولما كنا بنفترق كنت انا دايما المشغول بهواكي
وقضيت عمري وانا
أسير لهواكي
وطول عمرك وأنا اسير
في هواكي

٥-أنتي وأنا
======
أنتي مرايتي ومرايتك انا
فيك أشوف اللي ناقصني وأشوف لك الكون أنا
تسلمي لي باللي شوفته
وتقولي لي باشوفك انا
دنيتي وبسمتي وفرحتي
وهنايا وسبب سعدنا
مااحنا الاتنين لما نكون سوا
بنبقى واحد وبنعيش فرحنا
ولا يقدر حد يعمل زينا
إلا اتنين حبوا زي حبنا
ونسيوا الدنيا وعاشوا فرحنا
بقلوب صافية منور فيها ربنا
مابتاخد من دنيتها الا الهنا
ولا بتغدر ولا بتئسى
ودايما فاكرة ربنا