لأحلي أيام العمر
لأجمل الذكريات
رجعني أيام زمان
أما كان قلبي
ميعرفش الخوف
أيام ما كان
مليان أمان
رجعني لأيام
شفت فيها
صدق المحبة
طالعة صافية
من جوة قلوب الأحبة
رجعني يلا وقت ماكان
الإنسان لسه إنسان
لا بيغش ولا بيخدع
رجعني يلا للي فات
أيام ما كانت الدنيا
فيها الجمال الأصلي
مش اللي كله ألوان
رجعني يلا معاك
أيام ما كان بيتنا صغير
بس كان مليان حنان
وقلوب بتحب بعضيها
وأب وأم وعيلة كمان
من يوم ماراحو
وأناعايشه في توهان
لاأم تدعي لي
ولا أب حضنه يدفي
من برد الزمان
رجعني يلا معاك
لأيام زمان
ياتري هتقدر
أكيد متقدرشي
اللي راح مبيرجعش
ولو رجع بيكون بهتان
ياريت نقدر نقول
ارجع يازمان
رويدا عبد الحي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب