كتب محمود عبدالتواب
بعد هذا اللقاء شديد الحميميه توجهنا الي البيت ، وقد صممت أن يكون ضيفي الليله، وفي الطريق إلي المنزل، أنهال بسيل من الاسئله، طبعا كلها عن سلوي،
وأنا ألتزم الصمت التام، وكانت إجابتي إني مجهد جدا وفي الغد سوف تعرف كل شيء منها،
بعد أخد وجبه العشاء الذي طلبتها من محل مشهور يقدم الاكل الشعبي المصري ذات المذاق المميز، طلبت منه طلب ذات أهمية قصوي،
أني سوف أساعده أن يقابل سلوي ولكن علي شرط،
( كانت هذه تلك الفكره الذي أبتدعها للخروج من هذا المأزق).
(عارف): بصي بقي يا صديقي العزيز عنوان سلوي الجديد قريب جدا من مقابر جدي الكبير الله يرحمه وهو جالي أنبارح في المنام ومن الاخر كده لازم أزوره الاول.
(أمين ) يا سيدي أبوس إيدك مش وقته بعدين نزور قبر جدك وجد جدك كمان، طب بص أديني رقم سلوي وأنا أتصرف.
( عارف) بص بقي علشان أنا علي أخري، أنت تيجي بعد الغيبه دي وتطلب وتتأمر لا بقي كده كتير ، وسلوي أنا حاولت أتصل بيها تلفونها دائما مغلق وكلمتها علي تلفون البيت وهي شغاله دلوقتي كول سنتر وحظك بقي الحلو أنها واخده شيفت متأخر وهترجع متأخر جدا
أهدي كده علشان أنا صاحي من بدري وعايز أنام تمام يا صاحبي.
((( كان ينظر نظره غضب وكان يتملكني الخوف بجد ولكني تظاهرت بالبرود التام وحاولت أن أظهر له أني مجهد ولابد أن أنام)))
( أمين ) حاضر يا صاحبي
أتخمد ونام تصبح علي خير.
( عارف) وأنت من أهله يا نجم نجوم المانيا.
وفي اليوم التالي فتحت عيناي وجدت أمين جالس بجانبي وينتظر أن أقوم من السرير قلت له حاضر أنا سوف أكون جاهز في خلال دقائق قليله لا تقلق.
طلبت ( أوبر) وفي خلال نص ساعه قد وصلنا.
دخلنا المقابر كنا بمفردنا كان الجو حار مع نسمه هواء خفيفه.
رائحه الموت تفوح في كل مكان.
الموت هو الحقيقه الوحيده في الحياه بدون أي مبالغه.
كل شيء سوف ينتهي علي الرغم من أختلاف البدايات.
كانت تدور في رأسي العديد من الأفكار المتشابكه وفي لحظه توفقت.
قال لي أمين بصوت عالي.
لماذا توقفت هنا ؟
قلت له اقرأ شاهد القبر هذا
وأنت تعرف كل شيء.
هنا ترقد من أنتظرت لقائها طوال هذه السنين،
هنا دفن قلبك وأنت علي قيد الحياه هنا…..
لم أستطع أن أكمل……
بدأت في البكاء.
شعرت بالندم لأني كذبت علي صديقي وفي نفس الوقت لم أجد سوي هذا الحل.
لو كنت مكانه لأخترت أن أودعها حتي وهي في قبرها.
وفي تلك لحظه قد جلس علي ركبته وكان في لحظه ذهول.
وأخد يهمهم بكلام لم أفهمه،
وأنفجر بالبكاء،
(أمين=) خلاص مش هشوفك تاني، خلاص، الاول كان عندي أمل أني أشوفك تاني، أيوه الاول كل واحد كان في مكان بس كنت بشوفك وأتكلم معاكي كل يوم، كنتي عايشه في قلبي، كنتي كل حاجه، أنا أنا مش عارف أعمل إيه دلوقتي، أنتي بجد خلاص موتي، أنتي بجد مدفونه هنا.
طب أنا أسف حقك عليا.
أنا غلطان. أنا السبب.
طب هقولك علي حاجه، قومي بس وأنا أعملك كل حاجه أنتي عايزاه، لا لا أنتي عايشه صح، عارف كداب أنا متأكد أن عارف كداب،
أنا السبب. أنا اللي سبتك وسافرت، أيوه سافرت، بس علشان مين، كله كان علشانك، أبوكي كان مهندس وكان عايز يجوز بنته لمهندس زيه، عملت المستحيل، بس مش بأيدي حقك عليا، خلاص مش هسيبك تاني)
وفي هذه اللحظه لم أستطع أن أقف دون أي رد فعل،
أمين لازم تقوم حقك عليا أنا غلطان كان لازم أقولك معلش ماتزعلش مني، بس أنا فكرت كتير وده كان الحل الوحيد عندي،
قام وقال لي خلاص كل حاجه راحت عمري ومستقبلي حتي الحاجه اللي كنت عايش علشانه راحت تحت التراب،
عارف، أنا خلاص هرجع المانيا تاني.
رجعنا البيت وقد حجز طيران العوده وقد قرر السفر مره أخري لألمانيا.
سهرت ليله كامله أفكر.
لماذا حدث كل ذلك، ولماذا أنا؟
لم أجد أي أجابه سوي أنني لابد أن أساعد دون الانتظار لأي مقابل، لعل يأتي الذي يساعدني دون أن أطلب المساعده في وقت أكون تأيه
ويكون الأمل قد ضاع، ولكن طالما نستطيع أن نساعد الاخرين فلابد أن نساعد بدون حدود.
لأن الأصل في الإنسان أن يبذل كل ما في وسعه
ليس فقط أن يساعد الآخرين بل ليستشعر أنه حقا موجود.
More Stories
استجابة رسمية.. هيئة الدواء المصرية تتحرك بعد ما أثارته الإعلامية الدكتورة هبة يوسف
إستراتيجية إدارة المورد البشري واستدامته: هندسة الملاكات الوظيفية وربط الاحتياجات بالخطة الاستراتيجية العامة
حين يكتب النفاق قصائده