تاني وتالت ورابع،# الشغل،،،،، مش( حياه )
منذ بدء الخليقة وأهميه الشغل تكمن في أنه يوفر ليك حياه أدميه محترمة
إنما الشغل في حد ذاته مش حياه إطلاقا
الشغل ماهو إلا وسيله بتقدر من خلالها تجيب فلوس تخليك تعرف” تعيش حياتك مبسوط”
ده دور الشغل من أول الإنسان البدائي اللي كان بيطلع يصطاد علشان ياكل ويقدر يكمل باقي يومه في اي حاجه تانيه غير الصيد(الشغل).
ف….. نصيحه
-بلاش تسخر حياتك للشغل !!
-بلاش تقعد اكتر من المواعيد الرسميه في شغلك !!
-بلاش تأجل زيارات ومناسبات عائليه بسبب الشغل !!
-بلاش تيجي علي حساب صحتك وال Inner peace بسبب الشغل !!
كل يومين نسمع عن حد من سننا أو أصغر اتوفي،،،،،،،، بسبب ضغط الشغل او الضغط النفسي بسبب الشغل اللي ادي لحاجات كتيره مؤلمة
ف نصيحه يعني ! محدش بيفتكر حد بعد ما بيموت ويقول الله يرحمه كان بيحقق# التارجيت المكان اللي أنت بتموت نفسك عشانه أنت بالنسبه له كرسي عليه موظف ولما يحصلك حاجه هايبدلوك بموظف غيرك بمنتهي السهوله
الخلاصة يعني:
– حاول دايماً تحافظ علي ال WORK LIFE BALANCE
وخليك دايماً فاكر أن اللي بيقعد اوفرتايم في شغله مش شاطر هو بس مش عارف ي Manage his time
– دور علي اللي بيخليك مبسوط وأبدء فيه حالا ! العب رياضه ، أقرأ، أرسم، ساهم في نشاط خيري، اعمل أعمال تطوعية، خصص وقت اكبر لأسرتك، عيد اكتشاف نفسك واهتماماتك مره تانيه.
بغض النظر عن اللي هتقرر تعمله بس صدقني وقتها بس هتتأكد أن الشغل مش حياه وانك كنت هتضيع حياتك في ال لاشئ!!!
وبالمناسبة ” لما تموت وانت مأجل شغل احسن ما تموت وانت مأجل حياة..”،،،،اللهم لاتجعل الدنيا اكبر همنا ولامبلغ علمنا،،،،امين امين يارب العالمين
مع خالص تحياتي وشكري الجزيل لجميع العاملين والشاطرين والمجتهدين كلا في مجال عمله.
خالد كامل
More Stories
استجابة رسمية.. هيئة الدواء المصرية تتحرك بعد ما أثارته الإعلامية الدكتورة هبة يوسف
إستراتيجية إدارة المورد البشري واستدامته: هندسة الملاكات الوظيفية وربط الاحتياجات بالخطة الاستراتيجية العامة
حين يكتب النفاق قصائده