مرة بصيت في المرايا
ياه يا شكلي
مش أنا
حد تاني
بهتان الملامح
فكره جوه دماغه سايح
حد تايه
حدغيري مش ملامحي
مش أنا
أنا كنت بضحك
كنت مش بهتم
عمري في يوم
ماشلت الهم
كنت ببكي من الفرح
كنت بضحك وسط حزني
كنت راضي بكل حاجه
وأي حاجه كانت ليا
مصدر سعادة
بس انا مش انا
حد مقهور
حد جوه دايرة بيدور
حد مكسور
حد فجأة صبح
من مشاعره يتيم
فقد في لحظه
حرفين الألف والميم
لحظه واحدة بصيت
في المرايا
شفت علي وشي
كل اللي جوايا
بس انا مش مصدق
بجد إن أنا نفس الحد
رويدا عبد الحي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب