رص دولاب ناسك من تاني
وشحت كل قديم عراك
واوعى ترقع ف العلاقات
اللي يسيبك عادي فداك
واوعاك تلبس توب مش توبك
او مش لايقة عليك ألوانه
وتتحمل ذنوب مش ذنوبك
وإبليس يبليك بأعوانه
رص دولابك والمتهربد
قطعه أكتر وإرمي ف داهيه
وأوعي توطي تجيب زبالتهم
نضف نفسك كدا م الناهية
وسوادهم خليه يصاحبهم
وسيب ألوانك ف الناس زاهية

More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب