غضبانة كدا
و مكشرة
زعلانة ديما
و مهيبرة
قطة تحب
تخربش
و تبصلك
و تبربش
تتنرفز بسرعة
و تزعل اسرع
و انا اشرب
م الترعة
يا إما اسكت
واسمع
تقولش هي
اللي عنترة
بس بحبها
و مش لاقي
زيها
و لا وصفها
و لا قدها
انا
اسف معذرة
تتغير عليا
و تحب تقسي
تجرح عنيا
و الرد انسي
و تملاني قسية
و تداويني بلمسة
ملكة بتحكم
استاذة
وانا جاهل
ببصم
و بتفهم
ذكائها عالي
و عقولنا احنا
محجرة
تمللي تدوس
ع الجراح
و بالمحسوس
تطلب سماح
وانا اسامح
من قبل ما
تجرح
و فعيونها
انا سارح
و الدنيا ويايا
بتفرح
و تصفي
لو معكرة
بحبها
زي ماهيا
مهما قست
و لا جات عليا
و يحلالي ابقا
ضحية
بس عشان
أشوف
ابتسامتها
المعطرة
بتبيع
وياما باعتني
كتير
و المواضيع
ملاما كتفتني
اسير
و اشتريها
و احتويها
و اضمها
و اخاف عليها
ترق تاني
و تدوب
زي حتة السكرة
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب