عايز تعيش فى البلد دى
محتاج عربية وحبة فلوس
لو حتى ميت مليون جاهل
حتبقى قدوة وحتدى دروس
وجلا جلا كل الأبواب تتفتح
ويطلع العفريت م الفانوس
ناس رايحه .. وناس جايه
تبوس الأيادى .. والرؤوس
ما الزمن دا زمن العجب
والمنطق فيه ….. معكوس
ويوم ماتظهر بس الفلوس
تتبدل ف لحظة نفوس
ضماير.كتير خربانه
وعلى أى مبادىء .. تدوس
ونصيحة ياولدى إياك تأمن
لزمن الخيار …. والفاقوس

More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب