عم حنفي راجل غشيم
واخد الدنيا بالعافية
بيقول يا أرض اتهدي ماعليك أدي
فكر في فكرة
عايز يموت كده وكده يشوف الأصدقاء والمتابعين هيزعلوا ولامش هتفرق معاهم
قرر أنه يموت وينشر الجملة التالية : أبي في ذمة الله!
التوقيع :
ابن حنفي
جهز نفسه ببوست قصير كتب فيه :ادعوا لي بالشفا أنا بمر بوعكة صحية .
جاب ف ساعتين ٣٠٠ تعليق و٤٠٠ لايك شاف التعليقات فرح
قال ياسلام أومال لما أموت هجيب كم تعليق وبدأ ف تنفيذ الفكرة
وآخر السهرة نزل البوست على لسان ابنه
ونام
الناس مش مصدقة إنه مات
جاب ٣٠٠٠ تعليق ونام عشان الصبح يشوف التعليقات
بس خلاص مات بالفعل ولاعنده ابن ولا بنت
ولاحد يسأل عنه
ومات عم حنفي قبل ما يشوف خبر وفاته جاب كم لايك.
طه هيكل
More Stories
انتشار الإرهاب the spread of terrorist بقلم المستشارة ناريمان نادر
الفنانة والكاتبة د. أمينة سالم – تكتب .. حالة إجترار فريدة للاغتسال والتطهير على خشبة مسرح الطليعة
فيلم السرب بدون حرق