يا كتابي ليه بتقسى عليا
وليه عليك
بتهون أوي دمعة عينيه
إيه نظامك
غالي عليك دايماً كلامك
لا بتمحي حرف
ولا يوم تقدّر أي ظرف
ولا عمري هتساوى بعلامك
ليه صعب أمحي أي زله
وليه بتكتب العزيزة والمذله
مابتنسى ذنب ولا أي عِلة
بالله عليك اغفل شويه
وحن وارأف يوم عليا
ما انت عارف إني خايب
وقلبي ورا كل المصايب
وياما مني كان عجايب
وفي الغلط
غرقان ودايب
وألوم في نفسي
زي عيل جاي يشكي
ولربي بسجد وأحكي وأبكي
هو عالم مهما ببعد
عمري عنه ماكنت غايب
بس دي طبيعة البشر
ما ذنوبنا سودت الحجر
لكن بنرجع
ونتوب ونسمع
ربي وحده
بينا أعلم هو أرحم
والنبي راح لينا يشفع
وأنت يا كتابي
لا مره تنسى
أو لحظه تغفى
ليه كده
خليك حنين
كل شيء جواك
واضح وبين
اخفي ذنبي
استر عليا
خليك نضيف
ويوم ما الاقي وجه ربي
خليني أبان
طاهر عفيف
باستحلفك خليك معايا
وانهاني دايماً عن هوايا
خلي أخر صفحة فيك
تكون نهاية مشرفة
لأخر الحكاية
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب