خواطر أغاني الأسواني
الشريف_أحمدعبدالدايم
جبت العجلة ويا العنزة وجبت الجاموسة
قلت أربيهم وابيعهم واجيب ليا عروسة
العجلة ثمنها ما كفاش
والجاموسة ماتت بلاش
والعنزة ما جابت ثمن البوسة
*….*….*….*
اللي باعهم تاجر شاطر
لكن طلع فشار
حلف يمين أن الجاموسة عشار
وبقيت أصرخ ٱه ياني
والواسعة ما سيعاني
كنت ناوي اجيب منير وهاني
وتكون حفلة مخصوصة
*….*….*….*
جاموستي ماتت أمر الله
وجات الناس تواسي الٱه
قالوا لي أنت راجل طيب
أصبر وخليها على الله
*….*….*….*
والدنيا بتلف بسرعة وتدور
وربك بيجبر المكسور
والجاموسة دفنوها في القبور
شيعتها البلد وكل الجمهور
*….*….*….*
قلت أبيعهم يمكن القى فرصة
وخايف أضحي بالفرسة
ويا قلبي وين اوديك
دا الوادي ما واديك
ما فاضل عندي غير الديك
يا وقعة يادي الحوسة
أجيب المهر منين
الشريف_أحمدعبدالدايم
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب